Færø-gjengen dominerte Eikangerløpet

TRIPPEL FÆRØ: Halfdan-Emil i midten vann på ny rekord føre Magnus-Johan til høgre og Jo-Harald til venstre. (Arkivfoto frå 2025).

Halfdan-Emil Færø vann Eikangerløpet på 5000m på 15.17,1 som er ny løpsrekord. Han sprang 5,9 sekund fortare enn då han sette den førre rekorden for 11 år sidan. Færø-gjengen dominerte årets løp på Ostereidet.

Magnus-Johan Færø vart nummer to med 16.51,5 og Jo-Harald Færø nummer tre på tida 17.21,3. Og i dameklassen var Bertine-Helene Færø nok ein gong raskast. Tida hennar var 19.01,5.

Bjørn Harald Nævdal var 4. raskast i løpet med tida 17.49,2. For han var det personbeste i løpet med knappe 13 sekund. Imponerte gjorde 12-årige Elias Svendsen Toft (IL Gneist) med 18.58,6.

Halfdan-Emil Færø har i fleire sesongar no representert Førde IL. Han bur og jobbar der i bygda. 35-åringen som i år er første års veteran, har i alt 10 sigrar i Eikangerløpet. Held han fram i den forma han viste i løpet på Ostereidet for to veker sidan, kan me venta fleire gode løp i åra framover. Det er berre Harald Nygård med 13 sigrar som har vunne Eikangerløpet fleire gonger enn Halfdan-Emil.

Bertine-Helene Færø som vert veteran neste år, har i alt 13 sigrar i det tradisjonelle løpet på Ostereidet.

Nikolai Færø var med Eikangerløpet for tiande  gong og fekk pokal for dette. 

Deltakinga i løpet var i år god med i alt 25 startande. Bortsett frå løpet i samband med 50-årsjubileet for bana i fjor, er dette det høgaste deltakartalet på lange tider. Forholda denne gongen var gode med 17-plussgrader i lufta.

Flest startar har Arvid Hauge med 46, følgd av Inge Kåre Nævdal med 39, Sverre Solberg og Bjørnar Eidsheim med 33.

Eikangerløpet 2026                

MS 5000 meter            
1.    Halfdan-Emil Færø    1991    Førde IL            15.17,1
2.    Magnus-Johan Færø    1995    Eikanger IL    16.51,5
3.    Jo-Harald Færø    1983    Eikanger IL             17.21,3
4.    Bjørn Harald Nævdal    1994                           17.49,2
5.    Elias Svendsen Toft    2014    IL Gneist           18.58,6
6.    Jahn Christopher Nævdal    1985                    19.26,0
7.    Øyvind Kleivdal    1987                                    19.40,0
8.    Øivind Bernes    1958    Mjøsdalen IL              19.41,0
9.    Bjørnar Eidsheim    1968    Eikanger IL            19.46,3
10.    Petter Riise Hindenes    1991    Eikanger IL   20.10,2
11.    Andre Midtgård Espevoll  2010  Eikanger IL   21.13,4
12.    Are Flekke    1996    Norna-Salhus                 21.50,4
13.    Simen Pettersen    1996                                  23.57,2
14.     Øyvind Pål Farstad    1963    Eikanger IL       23.59,7
15.    Nikolai Færø    1985    Eikanger IL                  24.00,5
16.    Einar Færø    1956    Eikanger IL                    24.00,6
17.    Arvid Hauge    1960    Eikanger IL                  24.22,9
18.    Fredrik Aase Nævdal     2017                         24.50,2
19.    Sigmund Nævdal    1958                                25.05,6
20.    Inge Kåre Nævdal    1954    Eikanger IL         25.24,3
21.    Bjørn Årseth    1953                                        25.50,8
22.    Ingvard Børslid Tvedt    1993    Eikanger IL    25.50,8              

KS    5000 meter            
1.    Bertine-Helene Færø    1992    Varegg IL            19.01,5
2.    Sunniva Reigstad Eidsnes    2004    Eikanger IL  24.36,8
3.    Benedikte Aase    1992        24.52,2

Tekst og foto: Stanley Hauge