Eikangerløpet og vinterkarusellen

Eikangerløpet, 5000m på bana på Ostereidet vert arrangert søndag 27. september. Vinterkarusellen 2026-27 startar med første løpet laurdag 17. oktober på Eikanger.

Eikangerløpet
Det vert 47. gong Eikangerløpet, 5000m på bane, vert arrangert på Ostereidet.

Påmelding kan skje løpsdagen  frå kl. 14.00,  eller ved å senda e-post til stanhau@online.no innan torsdag 24. august kl. 23.00. Startkontingent kr 150,00 per deltakar. Kan betalast kontant eller med vips til: #577536

Litt om løpet
Dette løpet passar både for aktive friidrettsutøvarar og for trimmarar og mosjonistar som vil testa seg på rundløpsbana. 

Deltakartalet i løpet har svinga ein del, frå nær 40 til om lag 10. I fjor var det 28 deltakarar.

Halfdan Emil Færø har løpsrekorden med 15.23,0 frå 2015. I dameklassen er det Karoline Holsen Kyte som har rekorden med 17.21,8 frå 2021. 

Flest startar har Arvid Hauge med 45, Inge Nævdal med 38, Sverre Solberg 33, Bjørnar Eidsheim 32, Gunnar Hauge 28 og Helge Færø 24. Av kvinnene har Bertine-Helene Færø flest med 14.

Premiering
I tillegg til premiering av dei beste i dame- og herreklassen, er det premie for 1. gongs deltaking, og når ein har delteke 3 gonger, 5 gonger, 10 gonger og 20 gonger.

Vel 17 rundar
På den 293,3 m lange bana på Ostereidet må ein springa 17 rundar pluss 13,9 meter.

Det er fint om du som skal delta får med deg ein som kan hjelpa til med rundeteljinga som skjer ved registrering på eige ark som arrangøren ordnar med.

Vinterkarusellen 2026-2027

Laurdag 17. oktober går første løp i vinterkarusellen 2026-27 på Eikanger. Det vert lagt opp til tre løp før jul og fire etter nyttår. 

Løypa vert den velkjente på ca. 2,2 km rundt Eikangervågen med start og mål ved Eikanger skule.

Løpsdatoar
Løpa har laurdag som fast løpsdag, med start og mål ved Eikanger skule. Starten er presis kl. 15.00 for løpsklassen. Påmeldinga startar ein god halv time tidlegare, frå kl 14.15. Dei som deltek utan tidtaking, kan starta straks dei er påmelde.

Denne sesongen vert det halde 7 løp: 17. oktober, 14. november, 12. desember, 9. januar 2025, 6. februar, 6. mars og 10. april. 

Startkontingent
Born til og med 15 år           kr 30,-
Vaksne                                 kr 60,-
Familie                                kr 150,-
(vaksne + born t.o.m. 15 år (f. 2011 og seinare)

Premiering 
Ved kvart løp vert det trekt ut ein del premiar på startnummer. Det vert også enkle premiar til raskaste kvinne og mann ved kvart løp.

Etter sesongen vert det medaljar til alle som har fullført minst tre løp.

 Medaljar vert delte ut slik:

6-7 startar: Gull
4-5 startar: Sølv
3 startar: Bronse

 Premiar for mange løp
Det vert delt ut pokalar til dei som passerer 30 startar, 75 startar, 100  startar, 150 startar, 200 startar, 250 startar og 300 startar.

Flest startar
Vinterkarusellen går no inn i sesong 48 sidan starten i 1979. I alt er det arrangert 365 løp med 23 051 startar.

Terje Eidsnes og Sverre Solberg, begge med 311 startar, er dei som har delteke flest gonger. Deretter kjem Steinar Haukås med 290, Alf Høyland med 287, Arvid Hauge 279 og Leiv Eidsnes 276.

Av kvinnene er det Venke Toft Fyllingsnes med 185 startar og Grethe Titland med 177 som har delteke flittigast.

Løyperekordar
Svein Roar Kvamme har løyperekorden med 5.58 frå 21. oktober 2017. Halfdan Emil Færø har notert 6.04 (2013) og Kjetil Hodnekvam 6.10 (2001). Eli Anne Dvergsdal har rekorden for kvinner med 6.55 (2019), følgd av Bertine-Helen Færø 7.04 (2019) og Sara-Rebekka Færø Linde 7.06 (2019).

Tekst og foto: Stanley Hauge